94160

اقوام متحدہ میں پاکستان کی مستقل مندوب ملیحہ لودھی کو دنیا کی 5 کامیاب ترین خواتین سفارت کاروں کی فہرست میں شامل کرلیا گیا

ماسکو:(عامر لیاقت نیوز ) اقوام متحدہ میں پاکستان کی مستقل مندوب ملیحہ لودھی کو دنیا کی 5 کامیاب خواتین سفارت کاروں کی فہرست میں شامل کرلیا گیا ہے۔سفارتکاروں کے عالمی دن کے موقع پر روس کی سرکاری ویب سائٹ نے 5 کامیاب خواتین سفارت کاروں کی فہرست جاری کی جس میں اقوام متحدہ میں پاکستان کی مستقل مندوب ملیحہ لودھی بھی شامل ہیں۔ اس فہرست میں کرغیزستان کی خاتون سفارت کار روزا اتن بائیوا، روس کی الیانورا مترافونوا، سوئیڈن کی ایلوا ماڈال اور ہالینڈ کی رینے جونزبوس شامل ہیں۔واضح رہے کہ ملیحہ لودھی برطانیہ میں پاکستانی ہائی کمشنر اور 2 مرتبہ امریکا میں پاکستان کی سفیر کے عہدے پر بھی تعینات رہ چکی ہیں جب کہ اس وقت وہ اقوامِ متحدہ میں پاکستان کی مستقل مندوب ہیں۔

اس خبر پر اپنی رائے کا اظہار کریں